Бөлүмдөр
Бейшемби, 18-октябрь
Баткен облусу, Айдаркен 29.03.2016 11:16

Айдаркенде таштандыдан табылган дененин өздүгү аныкталып, анын өлүмүнө шектелип айылдашы кармалды

Turmush -  Айдаркен шаары менен Чечме айылынын ортосунда жайгашкан таштанды таштоочу жайдан 17-мартта 35-40 жаштар чамасындагы эркек кишинин жансыз денеси табылганын Кадамжай РИИБ маалымдаган. Аталган факты боюнча КРнын Кылмыш-жаза кодексинин 97-беренеси менен кылмыш иши козголуп, ыкчам иликтөө иштери башталган.

Кадамжай РИИБ менен Баткен ОИИБдин кылм­ыш иликтөөчүлөрү дененин өздүгүн тактап, анын өлүмүнө шектүүнү камакка алышты. Өлтүрүлгөн жаран Жа­лал-Абад облусунун Ноокен районундагы Арал айылынын 28 жаштагы тургуну С.Эсеналиев болуп чыкты.

Анын өлүмүнө 24 жаштагы айылдашы М.Т. шектүү катары кармалып, убактылуу кармоочу ­жайга киргизилди.

Учурда тергөө иштери улантылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×